د افغانستان د کرکټ د شپږیزې لیګ د لسم پړاو لوبو په دوام کې نن په لومړۍ مسابقه کې سپینغر او بندامیر لوبډلې له یو بل سره مخامخ کېږي.
دا لوبه د سهار په نهو بجو د کابل د کرکټ په لوبغالي کې ترسره کېږي.
ورپسې د ماسپښین په دوه بجې مس عینک او امو د سیالۍ ډګر ته راوځي.
پرون مس عینک، بُست لوبډلې ته په اتلس منډو ماته ورکړه.
د شپږیزې لیګ د جولای په ۱۹مه پیل شو او د اګست تر لومړۍ نیټې دوام کوي او هره ورځ دوې لوبې پکې کیږي.