په افغانستان کې د ازادي راډیو خبریاله
د افغانستان د بېلابېلو ولایتونو یو شمېر ځوانان وایي، سره له دې چې د پسرلي موسم دی او د هېواد اکثره سیمې شنې او مېله ځایونه زرغون شوي خو رواني اقتصادي ستونزې یې د مېلو او منظرو مخه نیسي.
له پاکستانه افغانستان ته د ځینو راستنو شویو کورنیو ښځې او نجونې چې د کډوالو په پنډغالو او خیمو کې اوسېږي، وایي هېڅ ډول روغتیایي اسانتیاوې ورته نه دي برابرې شوي. ځوانې نجونې بیا شکایت کوي چې د میاشتنۍ دورې پر مهال له سختو ننګونو سره مخ وي.
په افغانستان کې د طالبانو تر واک لاندې د دولتي ادارو یو شمېر کارکوونکي اندېښنه ښیي چې ګوندې د یو شمېر بستونو په له منځه وړلو به له دندو ګوښه شي. دوی ازادي راډيو سره په خبرو کې وویل، که له دندو لرې شي نو سخت اقتصادي ناورین سره به مخ شي.
په پاکستان کې د طالبانو تر کنټرول لاندې د افغان سفارت سرچینو ازادي راډیو ته تایید کړې چې د افغان کډوالو د مالونو د لوټېدو شکایتونه ور رسېدلي او دوی یې د پاکستان له حکومت سره څېړي.
د افغانستان لپاره د پاکستان ځانګړی استازی وایي، له یوې اوږدې وقفې وروسته، له افغانستان سره د لوړې کچې دوه اړخیز تعاملات پیل شوي دي.
په افغانستان کې ځینې ځایي سرچینې او عام وګړي ادعا کوي چې لا هم د وړو وسلو او پوځي تجهیزاتو د پېر او پلور تور بازارونه فعاله دي.
یو شمېر زده کوونکي او کورنۍ یې وایي، د طالبانو حکومت یې یونیفورم بدل او جبري کړی دی.
په پاکستان کې میشت یو شمیر افغان کډوال وايي، د کډوالو د اېستلو د غیر منظم اقدام له امله یې کورنۍ ویشل شوي دي. دوی ازادي راډیو سره خبرو کې زیاته کړه چې د بېلابیلو کورنیو غړي نیم په پاکستان کې پاتې دي او نیم افغانستان ستانه کړل شوي دي.
د ترکیې په استانبول ښار کې د افغانستان د همغږۍ ډلې (اې سي جي) دویمه او وروستۍ ورځ، سرچینې وایي اکثرو ګډونوالو په کې افغانستان سره د بشري مرستو د دوام ټټر وهلی.
نن د اپرېل اوومه د روغتیا نړیواله ورځ ده. د روغتیا نړیوال سازمان «ډبلیو اچ او» د دې ورځې په مناسبت پر ټولو حکومتونو او روغتیايي ټولنو غږ کړی چې د میندو او ماشومانو د مخنیوي وړ مړینې د پای ته رسولو په برخه کې دې هڅې زیاتې کړي.
د پاکستان په بېلابېلو زندانونو او د کډوالو په پنډغالو کې د افغان بندیانو کورنۍ وایي چې دوی له سختو او کړکېچنو حالاتو سره مخ دي. د دغو افغان کډوالو کورنۍ او خپلوانو ازادي راډیو سره خبرو کې ادعا وکړه چې د پاکستان پولیسو یې ماشومان او ښځې بندیانې کړي او حتی اوبه او خواړه نه ورکوي.
د پاکستان پلازمېنه اسلام اباد کې استوګن د (اې سي سي) یا افغان تابعیت کارت لرونکی کډوال رحمت الله وايي د کور ټول وسایل یې پاتې دي او اجازه نه ورکول کېږي چې له ځان سره یې یوسي.
نور راوښيه
