نن د زمري ۲۴مه د طالبانو د بیاواکمنۍ ۴ کاله پوره شول د کابل د لویې جرګې په خیمه کې ځانګړي مراسم جوړ شوي وو چې د طالبانو د کابینې غړو، د هغوی پلویانو او بهرنیو ډیپلوماتانو ګډون په کې کړی وو. یوشمیر کابل ښاریان وایي، دوی جشن کې ځکه ګډون نه دی کړی چې په خبره یې د طالبانو له تګلارو سره مخالفت لري.
په جلا وطنۍ کې د افغانستان د موسیقۍ ملي انستیتوت وايي، په تېرو څلور کلونو کې د طالبانو د حکومت له خوا په موسیقۍ بندیز دغه هیواد کې افغان سندرغاړي او هم افغاني موسیقي سخت ځپلي دي. د دغه انستیتوت مشر ازادي راډیو سره په خبرو کې وویل، ډیری سندرغاړي دا مهال په افغانستان کې جدي اقتصادي ستونزو سره مخ دي.
له پوځي الوتکې را غورځیدل؛ هغه کورنۍ چې له څلورو کلونو راهیسې په ویر کې دي
د طالبانو حکومت د بیا واکمنۍ څلورمه کلیزه، میلیونونه نجونې د تعلیمي او تحصیلي بهیر څلور کلن شاتګ ژاړي. څه باندې ۱۴ سوه ورځې وشوې چې نجونو تر شپږم ټولګي پورته ښونځیو نه محرومې شوي او د لوړو زده کړو دروازې یې په مخ تړل شوې دي.
د افغان ښځو د یو شمېر متعرضو خوځښتونو او د ښځو د حقونو سازمانونو په افغانستان کې د طالبانو د بیا واکمنېدو د څلور کاله واکمنۍ پوره کېدو په درشل کې د نړۍ په بېلابېلو هېوادونو کې مظاهرې او لاریونونه پیل کړي دي.
د اګست څوارلسمه په افغانستان کې د جمهوري نظام له ورستۍ ورځې سره برابره ده. د ۲۰۲۱ زېږدیز کال د دې ورځې په سبا طالبان کابل ته ننوتل او د جمهوري نظام سقوط او خپله بریایې یې اعلان کړه.
د امریکا د بهرنیو چارو وزارت د افغانستان د بشري حقونو د وضعیت په اړه په خپل کلني راپور کې د طالبانو له لوري د بشري حقونو د پراخه سرغړونو یادونه کړې ده. د دغه وزارت د ۲۰۲۴ کال راپور د اګسټ په ۱۲ مه خپور شو.
واک ته له رسیدو وروسته طالبانو داسې فرمانونه صادر کړل چې پر ښځو یې دوامداره بندیزونه ولګول. په دې لړۍ کې د هغو بندیزونو ځینې بېلګې وینئ.
