د صربیا محصلان چې له خپل هیواد څخه تر بروکسل پورې یې لاریون کړی، وايي: «زموږ هدف د اروپا راویښوول دي.»
تر هغه وروسته چې دوی نژدې ۲ زره کیلومتره مزل وکړ، لاریون کوونکو محصلانو یو اعتراضي لیک اروپایي پارلمان ته واستاوه چې پکې یې د شفافیت او اصلاحاتو غوښتنه کړې ده.
د دوی لاریون، چې د خلکو له هرکلي او تشویق سره مل وو، د هغو میاشتو - میاشتو اعتراضونو اوج و چې تېر کال په نوويساد کې د رېلګاډي تمځای چت راولوېد او ۱۶ کسان پکې مړه شول.
دا لاریون د اپرېل په ۲۵مه له هماغه ځایه پیل شو چې دا خونړۍ پېښه پکې شوې وه.