د پاکستان د خیبر پښتونخوا په بیلابیلو سیمو کې میشت یو شمېر افغان کډوال وايي، په وروستیو څو ورځو کې په دې صوبه کې د دوی د نیولو او ډیپورټ کولو لړۍ تر بل هر وخت تېزه شوې ده.
د یکشنبې په ورځ په خوست کې د پولیو یا ګوزڼ ناروغۍ پر ضد د واکسینو د څلور ورځني کمپاین پرانیسته وشوه. یاد کمپاین، چې د ډېسمبر له ۱۵ مې تر ۱۸ مې نیټې پورې څلور ورځې دوام پیدا کوي، یوازې په خوست کې به شاوخوا درې لکه ۳۵ زره له پنځو کلونو کم عمره ماشومان واکسین شي.
د بیلاروس حکومت د شنبې په ورځ (د ډسمبر په ۱۳مه) وروسته له هغه د لسګونه بندیانو د خوشې کېدو اعلان وکړ چې واشنګټن د بېلاروس د کیمیاوي سرې پر صادراتو د بندیزونو د لیرې کولو د احتمال یادونه وکړه.
هغه افغان کډوال چې په پاکستان کې د جرمني د کډوالۍ او حقوقي (MRL) دوسیې لري وايي چې دوی په دې وروستیو کې یې د پناه غوښتنې د ردولو یا د منلو د پروسې د بندېدو په اړه بریښنالیکونه ترلاسه کړي،هغه اقدام چې دې کډوالو کې یې پراخه اندیښنه او نا هیلي راپارولې ده.
د هلمند ولایت یو شمیر اوسېدونکۍ وايي، بُست کلا ته غځېدلی سړک په بشپړ ډول د لمنځه تللو په حال کې دی. خلک وايي، بُست کلا شته خو سړک ورته نشته، نو سیلانیان به څنګه ورشي؟
د ژغورنې نړیوالې کمېټې IRC وايي، په امریکا کې د دېره افغان پناه غوښتونکو د قضیو د بیا ارزونې پرېکړې په دې هیواد کې دېره زرګونه پناه غوښتونکي له سختې بې ثباتۍ او اندېښنو سره مخ کړي دي.
د طالبانو د کډوالو وزارت له ګاونډیو هیوادونو غوښتي چې د افغان کډوالو سره له زور زیاتي ډډه وکړي او هغوی ته په خپله خوښه افغانستان ته د بېرته ستنېدو مناسب شرایط برابر کړي. په وروستیو کې له ګاونډیو هیوادونو په ځانګړي ډول له پاکستانه د افغان کډوالو د جبري دیپورټ لړۍ تر بل هر وخت تېزه شوې ده.
د جرمني فدرال حکومت دې پرېکړه، چې یو شمیر افغان ښځو او نارینه وو ته چې دغه هیواد ته یې د منلو ژمنه تر لاسه کړې د داخلېدو اجازه نه ورکوي، پراخ غبرګونونه راپارولي دي.
زیلنسکي وایي، تر څو پورې چې داسې تضمینونه ونهلرو چې د سیمې د راتلونکي احتمالي اشغال مخه ونیسي، دغه طرحه عادلانه نه ده.
په افغانستان کې یو شمیر کورنۍ وايي د اقتصادي ستونزو، د باکیفیته روغتیایی خدمتونو نشتوالي او د دوی له سیمو څخه د روغتیایی مرکزونو د لرې والي له امله له جدي ستونزو سره مخ او د روغتیا له هر اړخیز پوښښه محروم دي.
د افغانستان د ښځو لپاره ولسي محکمې د طالبانو د حکومت ګڼ مشران د بشریت پر ضد د جرمونو د مرتکبینو په توګه اعلان او دوی یې د جنسیت پر بنسټ د ځورونو او تبعیض په تور محکوم کړل. د طالبانو حکومت تر اوسه د دې حکم په اړه غبرګون نه دی ښودلی. خو د ملګرو ملتونو چارواکو دا حکم تایید او ورنه هرکلی کړی دی.
داستاني ادب د ( AI ) یا مصنوعي ځیرکتیا پر مټ تصویری کول. کریمه نعیمي هغه افغان مېرمن چې کال کېږي په دې برخه کې کار کوي او لاسته راوړنې یې تر اوسه ماشومانو ته د لسو نکلونو انیمیشن کول دي. کریمې تازه د ( AI ) په مټ د "اعتدال" په نوم یوې ډرامې جوړول هم پیل کړي، چې لومړۍ برخه یې بشپړه شوې ده.
نور راوښيه
